تعبت اسج الرجل مدري على وين
تعتب اوجهـا جنـوب وشمالـي
تعتب اقول الوضع يومين ويزيـن
واشيل همٍ فـوق قـدر احتمالـي
وان قلت ابشكي يردف الهم همين
ما احدٍ تعزز لي ياعزي لحالـي
************************************************** ****
العيـن بالعيـن والبـادي هـو الاظلـم
والسـن بالسـن والاحكـام معـروفـه
لكـن شـرع الهـوا يحكـم ولا يرحـم
وانا بجوره رضيـت الحكـم وصدوفـه
العين بالقلب هـذا الحكـم وانـت افهـم
قل لي : ياعيني .. وخذ قلبي و بت جوفه
************************************************** *******************
تبي توضح لي عن الحب والويل
وانك معي ياصاحبي مثل ظلـي
افهم وانا بعطيك كل التفاصيـل
ما ابيك مثل الظل ياكـل كلـي
اخاف لا دن الدجى واقبل الليل
يغيب فيه الظل و يغيـب خلـي
ابيك مثل الروح ياصفوة الجيـل
عشقٍ بلا زيف وخداع وتغلـي
************************************************** ********
تدري وش اكبر ظلم من ظلم الاقراب
ظلم الحبيب اللي تضحـي عشانـه
تتعب لجل عينه وتسهـر وتنصـاب
وهـو يذوقـك القهـر والاهانـه
تقول له ضحيت ويـرد ( نصـاب )
جحـود والا ذي تسمـى ميـانـه
************************************************** *************
ما أعاني ,
والحزن أصلاً نساني
رحت عنّي
تكفى [ لا ترجع ] . . . عشاني !
الأماني تحققت لحظة غيابك /
مات حبي ,
وقمت ما أسمع أغاني !
كنت ذنبي
وأحمد الله إنّه هداني
************************************************** ****
أجَاوبْ اللِّي يسْألني عَنْ أخْبَاري وأقولْ بخير
وأنا لا خِير بغيابكْ .. ولا حَاجَه .. تهنيني
على طاريكْ كِلْ لحظه .. . ولا أحتاج للتذكير
حَريصْ القلب ما ينسَى عيونِكْ , لا توصيني
مَحَدْ يِقْدَر يعَوِّضْنِي لأنِّكْ .. في عيُوني غير
ومَهْمَا شِفتْ أنا الفرحَه .. بدونِكْ ما تسليني
************************************************** ******************
ما هي غريبة إذا في خاطرك تجرح
قلبي تَعَـوَّد على النسيان وجراحه
سوَّدت وجه الغلا / ويحق لك تفرح
والراحة والله أبشرك ضاعت الراحة
ملِّيت أجْمَعْ طموحي وحضرتك تطرح
والقلب يسأل : دخيلك , وينْ مفتاحه ؟
إن قلت [ تعبان قلبي ] جـد ما أمزح
الهَمْ دمَّر حصون القلب , وأجتاحه
************************************************** *************
ليت الالم ينقلب وردة أشمها
كان ما احتاج علاج وبلسم جروح
لو المواجع صورة حبيب اضمها
وتحلى الذكريات وتطيب الروح
حبيبتي ذكراك للحين احسها
تشعل بي الجمره وتزيد بي نوح
الحظ قصر بي .. وأبعد حظها
وليت الأمل يعود واعطيه روح
وأقول وقف لاتبعد عني حبها
واعطي القدر روحي واعيش به بوح
ياقلم وقف للورق واكتب نبضها
وارسل تحيه حب من الروح للروح
واكتب غلاك في القلب وصبها
واخر كلامك من الحب مجروح
موضوع: مسجات ع الماشي 
