طريقه ذكيه لعمل البيتزا
4 اكواب دقيق
3 ملاعق خميره
2 باكو بيكنج باودر
نص كوب زيت
معلقة سكر
4/3 1 كوب ماء
ذرة ملح
.......
جبنه شيدر . جبن رومى . جبن موتزاريلا ( مبشور )
فلفل اخضر قطع
طماطم قطع
زيتون اسود
2 معلقة صلصه
4 معلقة كاتشب
1 معلقة خل
لحم مفروم
او سجق
وممكن تعملى بيتزا مارجريتا
يعنى بدون لحوم ( جبنه فقط )
نيجي باه للطريقه...
نضيف الخميره لكوب من الماء وعليه ملعقة السكر ونذيب الخميره
ونتركها قليلا
فى الوقت ده نحط الدقيق وعليه مقدار الزيت
تكون الخميره انتفخت بعض الشىء وده دليل على فاعلية الخميره
هنحط الخميره على الدقيق والبيكنج باودر والزيت
ونعجن الخليط ونحط عليه ذرة الملح
ونضع باقى مقدار الماء فى نفس كوب الخميره ( عشان ناخد اى خميره عالقه فى الكوب)
ونعجن كويس حتى يتماسك الخليط
ثم نترك العجين يتخمر ونغطيه بغطاء قطنى ..
وبعد التخمير لمدة ساعه
هناخد العجين ونضع نصف المقدار فى صينيه مدهونه زيت
(( لو صينية بيتزا واسعه اللى هى بتاعت البسبوسه
ممكن نضع المقدار كله .. بس انا عملتها فى صينيه متوسطة الحجم عشان كده عملتها على 2 صينيه ))
هنحط على العجين الصلصه ( مقدار صلصة الطماطم والكاتشب والخل )
ونضيف اللحم المفروم
ثم الخضروات ( الفلفل والطماطم والزيتون الاسود )
وفى الاخر نرش الجبن المبشور بانواعها
ونسخن الفرن
وندخل البيتزا الفرن على درجة حراره هاديه ( 150 )